हस्ताक्षर अभियानमा कलाकार, रविको पक्षमा हस्ताक्षर गर्दै विपिन

नायक विपिन कार्कीले राष्ट्रिय स्वतन्त्र पार्टीले चलाएको हस्ताक्षर अभियानमा साथ् दिएका छन्। उनले आइतबार स्वतन्त्र पार्टीको कार्यालय पुगेर रवि लामिछानेको बारेमा पार्टीले संचालन गरेको हस्ताक्षर अभियानमा हस्ताक्षर गरेका हुन् ।

नायक कार्कीले हस्ताक्षर गरेपछि अहिले सो विषयमा सामाजिक संजालमा विभिन्न खालका बहस भइरहेका छन् । ‘रवि लामिछानेमाथि भएको राजनीतिक प्रतिशोधका विरुद्ध जनताको हस्ताक्षर अभियान’मा विपिन पनि सहभागी भएका थिए।

असारको ७ गतेदेखि रास्वपाले हस्ताक्षर अभियान चलाइरहेको छ । सोही हस्ताक्षर अभियानमा विपिन सहभागी भएका हुन् । विपिनले हस्ताक्षर गरेपछि कतिपयले सामाजिक संजालमा अब उनको फिल्म नै नहेर्ने तर्क गरिरहेका छन् भने कतिपयले विपिनलाई धन्यवाद पनि दिइरहेका छन् ।

विपिन अभिनित पछिल्लो चलचित्र ‘ऊनको स्विटर’ले बक्स अफिसमा १० करोड माथिको व्यापार गर्यो।