४८ करोडमा बनेको अजय देवगनको रेडः २ को कमाइ अब १५० करोडमाथी

अजय देवगनको फिल्म ‘रेड २’ को ‘अपरेशन सिन्दूर’ पछिको साताको दिनमा जसरी कमाई बढेको छ, त्यसले पनि यस्तो संकेत गरिरहेको छ कि अब यो फिल्म २०० करोडको यात्रामा निस्किएको छ ।

फिल्मले दशौं दिन बिहान साढे १० बजेसम्म ८ करोड रुपैयाँ कमाएको सकनिल्कले बताएको छ । अर्थात् पछिल्लो ३–४ दिनको तुलनामा फिल्मले आज धेरै कमाइ गरिरहेको छ । फिल्मको घरेलु बजारमा कुल कलेक्सन १११.९० करोड रहेको छ ।

सैकनिल्कका अनुसार ४८ करोडमा बनेको रेड २ फिल्मले ९ दिनमा विश्वभर १३७.८० करोड कमाइसकेको छ । यसमा आजको कलेक्सन जोड्ने हो भने यो १४५ करोडभन्दा माथि पुगेको छ । र अब फिल्म चाँडै नै १५० करोडको आँकडा पार गरेर २०० करोडतर्फ अघि बढ्नेछ ।

अजय देवगन, रितेश देशमुख र अमित सियाल अभिनित राजकुमार गुप्ता निर्देशित फिल्मले निकै तारिफ बटुलि रहेको छ । फिल्ममा वाणी कपुर र सौरभ शुक्लाको पनि महत्वपूर्ण भूमिका छ । यो फिल्म २०१८ को रेड को सिक्वेल हो, जसमा अजय फेरि अमय पटनायकको भूमिकामा छापा मार्दै हिडेको देखिएका छन्।