मिलनको ‘सुम्निमा’मा उपासना फाइनल

निर्देशक मिलन चाम्सको निर्देशन रहने नयाँ चलचित्र ‘सुम्निमा’ मा मुख्य अभिनेत्री उपासना सिंह ठकुरी अनुबन्धित भएकी छन्। । ‘सुम्निमा’ मा उपासना अनुन्बन्ध संगै उनको जोडीको रुपमा काम गर्ने अभिनेताको लागी अडिसन आव्हान गरिएको छ। २० देखि २६ वर्षको युकेमा रहेको व्यक्तिले अडिसनमा भाग लिन पाउने छन्।

प्रेमकथामा आधारित रहने यो चलचित्र नेपाली र अंग्रेजी भाषामा निर्माण हुनेछ । निर्देशक चाम्सले युनिभर्सल कथा र अन्तर्राष्ट्रिय बजारलाई लक्षित गर्दै चलचित्र बन्ने बताए ।

जुलाईदेखि नेपाल र बेलायतमा यो चलचित्रको छायांकन हुनेछ । चाम्स इन्टरटेनमेन्ट र गोर्खा फिल्म्स्को संयुक्त ब्यानरमा निर्माण हुने चलचित्रमा राजीव थापाको कथा र पटकथा रहनेछ ।

चाम्सको निर्देशनमा बनेको बायोपिक चलचित्र ‘अञ्जिला’ ले सफल प्रदर्शनको ५१ औं दिन पार गरिसकेको छ। ‘अञ्जिला’ ले प्राप्त गरेको सफलता संगै चाम्सलाइ आगामी प्रोजेक्ट उत्कृस्ट बनाउनु पर्ने चुनौती छ। कथा राम्रो भएको र टिम राम्रो हुने हुँदा ‘सुम्निमा’ उत्कृस्ट चलचित्र बन्नेमा चाम्स ढुक्क देखिएका छन्।