‘छक्कापञ्जा ५’को तीन दिनमा ५ करोड ग्रस कलेक्सन्

बिहीवार फूलपाती बाट प्रदर्शनमा आएको चलचित्र ‘छक्कापञ्जा ५’ले तीन दिनमा ५ करोडको ग्रस कलेक्सन् गरेको छ । चलचित्रले प्रदर्शनको तीन दिनमा देशभरबाट ५ करोड रुपैयाँ ग्रस कलेक्सन् गरेको हो।

निर्देशक दीपाश्री निरौला निर्देशित यो चलचित्रले रिलिजको पहिलो दिन २ करोडको ग्रस कलेक्सन् गरेको थियो । त्यस्तै, शुक्रबार अर्थात दोस्रो दिनमा चलचित्रको देशब्यापी कलेक्सन पहिलो दिनकै तहमा थियो ।

देशभर झण्डै २५० शोमा प्रदर्शनरत चलचित्रले शनिबार तेस्रो दिनमा देशभरबाट १ करोडको ग्रस कलेक्सन् गरेको वितरक मनोज राठीले बताए । उनका अनुसार चलचित्रले तीन दिनमा ५ करोडको व्यापार गरिसकेको छ ।

भ्रष्टाचारको कथामा निर्माण गरिएको यो चलचित्रमा दीपकराज गिरी, केदार घिमिरे माग्ने बुढा, निर्मल शर्मा, वर्षा सिवाकोटी लगायतको अभिनय छ ।