पलको ‘मायावी’ तिहार रिलिजबाट पछि हट्यो

अभिनेता पल शाह र अभिनेत्री दीपिका प्रसाइँको अभिनित चलचित्र ‘मायावी’ को रिलिज मिति पछि सरेको छ । यस अघि कात्तिक १५ गते (लक्ष्मीपूजा) मा प्रदर्शन हुने भनिएको मायावी अब पुस २६ गते प्रदर्शन हुने भएको हो ।

यो मितिमा नेपाली र विदेशी गरी लगभग ५ वटा चलचित्र पुगेपछि ‘मायावी’ को प्रदर्शन मिति सारिएको हो । निर्देशक दिवाकर भट्टराईले दुवै चलचित्रलाई शुभकामना दिदै मार्ग प्रसस्त गरेको र मायावी पुस २६ गते रिलिज हुने जानकारी दिएका छन् ।  

पल अभिनित चलचित्र ‘रावायण’ बक्स अफिसमा फ्लप भएपछि निर्माताले तत्कालका लागि मिति पछि सारेको विश्लेषण गरिएको छ । अब यो चलचित्र पुष २६ मा कार्साङ्सँग भिड्ने भएको छ ।

राज कटुवाल, चन्द्र पन्त र ध्रुव न्यौपाने को निर्माण रघेको यो चलचित्रमा निर्देशक भट्टराईकै लेखन छ । चलचित्रमा प्रशान्त ताम्राकार, सुशील सिटौला, राजाराम पौडेल, करिश्मा श्रेष्ठ लगायतको अभिनय छ ।