‘रंगी’ मार्फत डेब्यु गर्दै मिस नेपाल नम्रता श्रेष्ठ

सलोन सलिना फिल्मस् प्रा.लिको व्यानरमा निर्माण हुने चलचित्र ‘रंगी’मा ‘मिस वल्र्ड नेपाल २०२०’ नम्रता श्रेष्ठ अनुबन्धित भएकी छिन् । यो चलचित्रका लागि निर्माणपक्षले नम्रतालाई भर्खरै अनुबन्धित गरेको हो।

निर्माता सक्षम सुवेदीले निर्माण गर्ने यो चलचित्रबाट नम्रताले डेब्यु गर्दैछिन् हो । यो चलचित्रलाई सुरेश न्यौपानेले निर्देशन गर्दैछन् । सुरेशको यो डेब्यू निर्देशन हो । यसअगाडि उनले थुप्रै चलचित्रहरुमा सह–निर्देशकको रुपमा काम गरिसकेका छन् ।

बाबु र छोरीको कथामा आधारित रहने यो चलचित्र निर्माण हुनेछ । सलोन बस्नेत प्रस्तुतकर्ता रहने चलचित्रको कथा सुमन गजमेरले लेखेका हुन् ।

असोजको ११ गतेबाट छायांकन सुरु हुने यो चलचित्रलाई सौरभ लामाले खिच्नेछन्। चलचित्रको छायांकन काठमाडौंमा लगायतका क्षेत्रमा गरिनेछ ।