विराजले सार्वजनिक गरे ‘१२ गाउँ’को नयाँ पोस्टर

विराज भट्ट फिल्म पोडक्सनको प्रस्तुतिमा निर्माण भएको चलचित्र ‘१२ गाउँ’को नयाँ पोस्टर रिलिज भएको छ । अभिनेता विराजले बुधबार चलचित्रका केही मुख्य कलाकारलाई स्थान दिदै चलचित्रको पोस्टर सार्वजनिक गरेका हुन् ।

सार्वजनिक पोस्टरमा विराज र समीर लगायत न्यान्सी खड्का, सनिशा भट्टराई, सोनु चन्द्रपाल, सुलेमान शंकर (इकु), नरेन खड्का फिचर्ड छन् । चलचित्रको यसअगाडि सार्वजनिक पोस्टरमा अभिनेता विराज र समीर मात्रै प्रस्तुत थिए ।

असोज २४ गतेबाट प्रदर्शनमा आउने चलचित्रमा विराजको कथा र सन्तोष सरकारको पटकथा तथा संवाद छ । चलचित्रमा अर्जुन पोखरेल र निरजको संगीत, रामजी लामिछाने, सुनिल क्षेत्री र कविराज गहतराजको कोरियोग्राफी तथा प्रवीन केएल र भुपेन्द्र अधिकारीको सम्पादन छ ।

अभिनेता विराज भट्टको निर्माण तथा निर्देशनमा रहेको यो चलचित्र एक्सन-थ्रिलर जनरामा निर्माण भएको हो। चलचित्रमा महेश पौडेल छायांकन रहेको छ ।

चलचित्रमा मुरलीधर, कनिज कोइराला, दीया मास्के, कृष्ण भट्ट, कालु राना, अर्जुन जंग शाही, भिष्म जोशी, तारा शर्मा, किशोर भट्ट, सन्तोष सरकार र स्टन्ट शिल्भाको अभिनय रहनेछ । यो चलचित्रलाई काठमाडौं उपत्यकामा काफिया फिल्मस् र मोफसलमा कुवेर सिने डिष्ट्रीव्युसनले गर्नेछ ।