खुशी, मेलमिलाप र अभाव समेटिएको ‘सानो संसार’को ट्रेलर

आगामी असोजको ११ गतेबाट रिलिजमा आउन लागेको चलचित्र ‘सानो संसार’को ट्रेलर रिलिज गरिएको छ । एउटा पारिवारिक कथामा खुशी, मेलमिलाप र अभाव समेटिएको यो चलचित्रको ट्रेलर आज सार्वजनिक गरिएको हो ।

अर्जुन कुमारको निर्माण तथा माधव वाग्ले कार्यकारी निर्माता रहेको यो चलचित्रले एउटा परिवार बिचको मिठो कथा भन्छ । एक करोड भन्दा पनि कम बजेटमा निर्माण गरिएको यो चलचित्रलाई दर्शकले रुचाउने विश्वास निर्माणपक्षको छ ।

सिद्धार्थ पुडासैनीले निर्देशन गरेको यो चलचित्रमा सरिष्मा खत्री र सिद्धार्थ पुडासैनीको कथा, रोमी तण्डुकारको सम्पादन, सुजैन खड्का र मनोज खड्काको कोरियोग्राफी, प्रवीण खड्काको छायांकन छ ।

चलचित्रमा अन्जसा रिजाल, अनु दाहाल, राज पंगेनी शर्मा, सितादेवी तिमिल्सेना, जीवन गौतम, सरिता भण्डारी, शिशिर सिवाकोटी लगायतका कलाकारहरुको अभिनय छ ।