‘शाम्बाला’ प्रिमियरमा बलिउड कलाकारदेखि नेतासम्मको सहभागिता

निर्देशक मीनबहादुर भाम निर्देशित चलचित्र ‘शाम्बाला’को प्रिमियर सम्पन्न भएको छ । आइतबार काठमाडौँमा यो चलचित्रको प्रिमियर सम्पन्न गरिएको हो । प्रिमियरमा उद्योगी व्यवसायी तथा अधिकांश कलाकार तथा सञ्चारकर्मीहरूको उपस्थिति रहेको थियो

यो चलचित्रको प्रिमियरमा सहभागी हुन बलिउड निर्देशक अनुराग कश्यप र अभिनेता नवाजुद्दीन सिद्दीकी नेपाल आएका छन् । त्यस्तै, प्रिमियरमा नेपाली कांग्रेसका महामन्त्री विश्वप्रकाश शर्मा, नेकपा एमालेका उपमहासचिव प्रदीप ज्ञवालीलगायत नेताहरू पनि सहभागी भएका छन् ।

हिमाली भेगकी गर्भवती महिलाले ल्हासामा हराएको श्रीमान् खोज्दाको कथामा आधारित चलचित्र बर्लिन अन्तर्राष्ट्रिय चलचित्र फेस्टिभलको मुख्य विधामा छनोट भएको थियो।

चलचित्रमा थिन्ले ल्हामो, सोनम तोप्देन, तेन्जिन दाल्हा, कर्मा शाक्य, लोटेन नम्लिङलगायत कलाकारको मुख्य अभिनय छ।