किन नेपाल आए बलिउड अभिनेता नवाजुद्दीन सिद्दीकी ?

चलचित्र ‘साम्बाला’को प्रिमियर कार्यक्रममा भाग लिन बलिउडका चर्चित अभिनेता नवाजुद्दीन सिद्दीकी नेपाल आइपुगेका छन्। उनी शनिबार दिउँसो त्रिभुवन अन्तर्राष्ट्रिय विमानस्थलमा अवतरण गरेका हुन्।

उनलाई स्वागत गर्न ‘साम्बाला’का निर्देशक मिन भाव उपस्थित थिए। सिद्दीकी भीआइपी कक्षबाट बाहिरिँदा उनका फ्यानहरूले स्वागत गरेका थिए। अभिनेता सिद्दीकीले नेपालमा चलचित्रको प्रिमियरमा सहभागी हुन पाउँदा आफू निकै उत्साहित भएको बताए ।

आइतबार काठमाडौंमा आयोजना हुने यो चलचित्रको प्रिमियर कार्यक्रममा नवाजुद्दिन मुख्य आकर्षणको रूपमा सहभागी हुनेछन्।

भदौ २८ गतेदेखि रिलिजमा आउने तयारीमा रहेको यो चलचित्रले विश्वका विभिन्न चलचित्र महोत्सवहरूमा समेत सहभागीता जनाएर प्रतिष्ठित अवार्ड पनि जितिसकेको छ।