डान्सिङ नम्बरको ‘१२ गाउँ’को पहिलो गीत ‘सिनेमा हेर्न जाउँ’

असोजको २४ गते फूलपातीको अवसर पारेर प्रदर्शन हुने चलचित्र ‘१२ गाउँ’को पहिलो गीत ‘सिनेमा हेर्न जाउँ’ रिलिज गरिएको छ । यो गीतको भिडियोमा चलचित्रको मुख्य कलाकार समीर भट्ट र अभिनेत्री सोनु चन्द्रपाल प्रस्तुत छन् ।

अर्जुन पोखरेलको शब्द तथा संगीत, बलिउड गायक नकाश अजिजको स्वर र सुनिल क्षेत्रीको कोरियोग्राफी रहेको यो गीतको भिडियो एकदमै राम्रो छ । चलचित्रमा एक्सनसँगै नृत्यका लागि पनि समीरले निकै मिहिनेत गरेका छन् । दक्षिण भारतीय चलचित्रकी नायिका सोनुले नेपाली चलचित्रमा डेब्यू गरेकी हुन् ।

अभिनेता विराज भट्टको निर्देशन, कथा र सन्तोष सरकारको पटकथा तथा संवाद रहेको यो चलचित्रको यसअगाडि सार्वजनिक टिजरले राम्रो प्रतिक्रिया र उच्च हाइप क्रेट गरेपछि शनिबार निर्माणपक्षले गीत रिलिज गरेको हो ।

विराज भट्ट प्रोडक्सनको ब्यानरमा निर्माण गरिएको यो चलचित्रमा अर्जुन पोखरेल र निरजको संगीत, रामजी लामिछाने, सुनिल क्षेत्री र कविराज गहतराजको कोरियोग्राफी, प्रवीन केएल र भुपेन्द्र अधिकारीको सम्पादन छ ।

चलचित्रमा विराज भट्ट, समीर भट्ट, न्यान्सी खड्का, सनिषा भट्टराइको साथमा मुरलीधर, कनिज कोइराला, नरेन खड्का, दीया मास्के कृष्ण भट्ट लगायतका कलाकारहरुको प्रमुख भूमिका छ ।