‘वसन्त’को क्यारेक्टर पोस्टर सार्वजनिक

हरितालिका तीजको अवसरमा चलचित्र ‘वसन्त’को क्यारेक्टर पोस्टर सार्वजनिक गरिएको छ । यो चलचित्रको क्यारेक्टर पोस्टरमा विद्यार्थीको पहिरनमा पाँच पात्र प्रस्तुत छन् ।

पोस्टरमा चलचित्रको मुख्य पात्र स्वस्तिमा खड्का र प्रकाश सपुतका अलावा प्रभातपाल ठकुरी, खड्गबहादुर पुन, शिवांसी श्री छ्न् । पोस्टरमा सबैलाई किताब च्यापेर खुशीले लाइनै दौडिएको देखिन्छ ।

गलबन्दी प्रोडक्सनको ब्यानरमा गायक तथा नायक प्रकाश सपुतले निर्देशन गर्ने यो चलचित्रको कथा र संगीत पनि प्रकाशकै रहनेछ । चलचित्रमा प्रकाशको यो डेब्यु हो ।

आगामी चैत्रको २२ गतेबाट प्रदर्शनमा आउने यो चलचित्रको आज शनिबार बाग्लुङबाट छायांकन सुरु भएको निर्माणपक्षले जनाएको छ । यो चलचित्रको कार्यक्रारी निर्मातामा मोहन विश्वकर्मा, अनुरोध भट्टराई र नाना थकाली छन् । चलचित्रको मुख्य सह – निर्देशनमा सुनिल वि.क छ्न् ।