‘वर एण्ड वधु’को नयाँ गीत ‘माया’मा विवेक र आँचलको रोमान्स

चलचित्र ‘वर एण्ड वधु’को ‘माया’ बोलको नयाँ गीत रिलिज गरिएको छ । गत शुक्रबारबाट रिलिज भएको यो चलचित्रको गीत आज सार्वजनिक गरिएको हो ।

दीपक लिम्बु र प्रविशा अधिकारीको स्वर, शैलेन्द्र खनालको शब्द, युग भुसालको संगीत रहेको यो गीतको भिडियोमा नायिका आँचल शर्मा र नव–नायक विवेक कर्माचार्य फिचर्ड छन् । भिडियोमा यी दुइलाई रोमान्टिक अवतारमा प्रस्तुत गरिएकोछ ।

कविराज गहतराजको कोरियोग्राफी रहेको यो गीत ओएसआर डिजिटल यूट्युब मार्फत सार्वजनिक गरिएको छ । जानुका थापाको लगानी रहेको चलचित्रका कार्यकारी निर्माता अमित रिजाल हुन् ।

एलआरके इन्टरटेन्मेन्टको व्यानरमा निर्माण भएको यो चलचित्रलाई मिलन चाम्सले निर्देशन गरेका हुन् । सुदिप बरालको छायांकन रहेको चलचित्रमा विजय लामा, गरिमा शर्मा, विजु पार्की, किरण केसी, कुसुम शर्मा, दिनेश काफ्ले, रविन्द्र खड्का, अंशु महर्जन, सिता न्यौपाने, हिमेश पन्त लगायतका कलाकारहरुको अभिनय छ ।