सुखद शोजका साथ ‘रावायण’को बुकिङ ओपन

भोली शुक्रब्रारबाट रिलिज हुने तयारीमा रहेको चलचित्र ‘रावायण’को बुकिङ खुलेको छ । हिजो बुधवारबाट अग्रिम बुकिङ ओपन गरेको यो चलचित्रलाई मल्टिप्लेक्सले सुखद शोज दिएको हो ।

नायिका पूजा शर्माको निर्माण तथा निर्देशक सुदर्शन थापाको निर्देशनमा तयार भएको यो चलचित्रले देशभरका मल्टिप्लेक्स हलमा ११४ शोज पाएको छ। क्यूएफएक्स चेन, बीग मुभिज, वान सिनेमाज् लगायतका मल्टिप्लेक्सहरुमा चलचित्रले राम्रो शोज प्राप्त गरेको हो।

शुक्रबार, शनिबार र आइतबार नै सार्वजनिक बिदाको मौका छोपेर प्रदर्शनमा आउन लागेको यो चलचित्रले बम्पर ओपनिङ गरेको खण्डमा नाजुक रहेको चलचित्र क्षेत्रलाई ठूलै राहत मिल्नेछ । साथै, निर्मातालाई पनि ठूलै फाइदा हुनेछ ।

टिजर, गीत र ट्रेलरबाट राम्रो चर्चा पाएको यो चलचित्रमा पल शाह, पूजा शर्मा, प्रकाश शाह, प्रमोद अग्रहरी लगायतका कलाकारहरुको अभिनय छ ।