प्रिमियरमा रुचाइयो ‘देवी’

भोली शुक्रबारबाट प्रदर्शनमा आउने चलचित्र ‘देवी’को प्रिमियर सम्पन्न भएको छ। । यो चलचित्रको बुधबार बेलुकी काठमाडौंको बीग मुभिजमा प्रिमियरको आयोजना गरेको थियो ।

चलचित्रको प्रिमियर हेर्नका लागि हलमा कर्मा शाक्य, मेनुका प्रधान, श्रृष्टी श्रेष्ठ, लुनिभा तुलाधर, विशाल पहारी, गजित बिष्ट, निर्देशक सौरभ चौधरी लगायतका चलचित्रकर्मी र पत्रकारहरुको बाक्लो उपस्थिति थियो ।

प्रिमियरमा चलचित्र हेरेका अधिकांश व्यक्तिहरुले चलचित्रको तारिफ गर्दै सस्पेन्स पाटोलाई अन्तिमसम्म बाँधेर राख्न सक्नु निर्देशकको खुबी भएको बताए ।

निर्देशक संजोग राइको निर्देशनमा तयार भएको यो चलचित्रले बलात्कार विरुद्ध बदलाको कथा पेश गर्छ । चलचित्रमा शिल्पा मास्के, नाजिर हुसेन, गौरव पहारीलगायतको अभिनय छ।