टिजर सङै कात्तिक ३० मा सृष्टि र नाजिरको ‘केटी हराएको सूचना’

निर्देशक दीपेन्द्र गौचनको निर्देशन रहेको चलचित्र ‘केटी हराएको सूचना’को टिजर सङै प्रदर्शन मिती तय गरिएको छ । यो चलचित्रको मंगलबार काठमाडौंमा एक कार्यक्रमको विच टिजर सार्वजनिक गर्दै कात्तिक ३० लाई प्रदर्शन तय गरिएको हो ।

नायिका सृष्टि श्रेष्ठ र कलाकार नाजिर हुसेनको प्रमुख भूमिका रहेको यो चलचित्र ‘उजेली : ए चाइल्ड ब्राइड इन नेपाल’ र विश्व चलचित्र उद्योगमा योगदानका प्रशंसित कामका लागि परिचित गौचनले ट्राइ–सिटी पिक्चर्सको सहकार्यमा यो चलचित्र ल्याउने तयारी गरेका हुन् ।

पहाडी समुदायको युवा र मधेशी समुदायकी युवतीको रहनसहन र मेलमिलाप बारेको कथा भन्ने यो चलचित्रले तराई क्षेत्रको सौन्दर्य र संस्कृतिको विरुद्धमा रहेको पहाडी-मधेशी मेलमिलापको खोजी गर्छ ।

यो चलचित्रको सार्वजनिक टिजरमा सीताको भूमिकामा सृष्टि छिन् भने रामको भूमिकामा नाजिर हुसेन छन् । यो चलचित्रको कार्यकारी निर्मातामा उद्दिन, छायांकनमा अमर महर्जन, सम्पादन निमेश श्रेष्ठ, कला निर्देशन अक्की थेक्पा र संगीतमा क्रिस मसन्ड छन् ।