पौराणिक एक्सन थ्रिलर चलचित्र ‘डिएनए’ निर्माणको घोषणा

चलचित्र निर्माण कम्पनी फोनिक फ्लिकको ब्यानरमा चलचित्र ‘डिएनए’को घोषणा गरिएको छ।

निर्देशक चानस पुन मगर र मणि रत्न त्रिपाठीले संयुक्त रूपमा निर्देशन गर्ने यो चलचित्र पौराणिक एक्सन थ्रिलर शैलीमा आधारित रहनेछ । निर्देशक पुनका अनुसार, यो चलचित्र पौराणिक कथाको ‘मोर्डन एडप्टेसन’मा आधारित थ्रिलर हुनेछ, जसमा एक्सनका रोमाञ्चक दृश्यहरू प्रस्तुत गरिनेछन्।

यो चलचित्र निर्माणको जिम्मेवारी फोनिक फ्लिकले लिएको छ भने बड पिक्चर्स र अन्डर एक्सपोज़ सिनेमासँगको सहकार्यमा निर्माण कार्य अघि बढाइनेछ। यो चलचित्रको कलाकारहरुको बारेमा अहिले केही पनि बताइएको छैन् ।

आगामी फाल्गुनमा महिनाबाट छायांकन हुने यो चलचित्र पौराणिक कथा र एक्सन थ्रिलरको संयोजनले दर्शकहरूलाई रोमाञ्चक यात्रामा लैजाने अपेक्षा गरेको अर्का निर्देशक मणि रत्न त्रिपाठीले बताए। यो चलचित्रमा नयाँ र नौलो प्रयोगको रूपमा निर्माण गरिने निर्माणपक्षले जनाएको छ ।