समीक्षालाई पूजाको जवाफ : चलचित्र प्रदर्शन अगाडि शत्रुहरू त लाग्छन् नै

अभिनेत्री पूजा शर्मालाई चेतावनी दिदै गायिका समीक्षा अधिकारीले चलचित्र चलाउन आफूलाई बारम्बार प्रहार नगर्न अनुरोध गर्दै फेसबुकमा आज एउटा स्टाटस लेखेकी छिन् ।

समिक्षाले अभिनेत्री शर्माको एक पोडकाष्टमा दिएको अन्तरवार्ताको भिडियो राख्दै चलचित्र चलाउनकै लागि आफूलाई बारम्बार प्रहार नगर्न चेतावनी दिएकी हुन्।

समिक्षाको उक्त चेतावनी पश्चात अभिनेत्री शर्माले पनि फेसबुक बाटै गायिकालाई जवाफ फर्काएकी छिन् ।

समिक्षालाई पूजा शर्माको जवाफ यस्तो छ,‘आज गायिका बहिनीले मलाई जोडेर मेरो भिडियो शेयर गरेर जुन नकारात्मक सन्देश दिन खोजेकी छिन्, त्यसमा मेरो गम्भीर आपत्ति रहेको छ । त्यो भिडियो सबै हेरेर मात्र प्रतिक्रिया दिन अनुरोध छ । यो बिषयमा म नबोलु भनेको र बोल्न आवश्यक ठान्थिन् । तर, यसरी मेरो फिल्म आउनुभन्दा २–४ दिन अगाडि(पहिले पनि र अहिले पनि) मलाई टार्गेट गरिन्छ भने म वाध्य भएर बोले ।’

मिडियामा आएका मेरा सम्पूर्ण सामाग्रीहरू नितान्त व्यवसायीक हुन् । यो बाहेक मेरो र ति बहिनीको पनि आफ्नो व्यक्तिगत जीवन होला । त्यसमा न म कहिले बोले र कहिले बोल्नेछु । र सम्बन्धित सबैलाई पनि नबोल्न अनुरोध गर्दछु ।’

उनले लास्टमा चलचित्र प्रदर्शन हुनु अगाडि शत्रुहरू त लाग्छन् नै भनेर लेखेकी छिन् ।