कस्तो छ ‘रावायण’को ‘करेजा निकारी’ ?

यही साताको शुक्रबारबाट चलचित्र ‘रावायण ‘ प्रदर्शन हुँदैछ । चलचित्रको टिजर, ट्रेलर र गीतले राम्रो चर्चा कमाएपछि निर्माणपक्षले आज ‘करेजा निकारी’ बोलको तेस्रो गीत सार्वजनिक गरेको हो।

सार्वजनिक गीतमा रेवन आरती सिंहको शब्द, सोनु कक्कर र समीर चौरासियाको स्वर, अनामिका चौहानको संगीत रहेको यो गीत भोजपुरी भाषामा निर्माण गरिएको छ ।

गीतको भिडियोमा चलचित्रको मुख्यपात्र नायक पल शाह प्रस्तुत छन् । उनको साथमा नायिका निकिता चण्डकको आइटम डान्स देख्न सकिन्छ । साथमा कलाकार प्रकाश शाह पनि प्रस्तुत छन् । गीतको भिडियोमा विक्रम स्वारको कोरियोग्राफी, सौरभ लामाको छायांकन, श्री श्रेष्ठको एक्सन छ ।

नायिका पूजा शर्माको एकल निर्माण तथा निर्देशक सुदर्शन थापाको निर्देशनमा तयार भएको यो चलचित्रको गीतले यो चलचित्रको परिवेश भित्रको कथा पेश गर्छ ।

पूजा शर्मा फिल्मस् र सुदर्शन थापा प्रोडक्शनको ब्यानरमा निर्माण भएको यो चलचित्रमा शाह, पूजा शर्मा, प्रकाश शाह, प्रियंका कार्की, प्रमोद अग्रहरी लगायतका कलाकारहरुको अभिनय छ ।