उप–सभामुख रानाको आतिथ्यमा ‘घर ज्वाँई’ले मनायो ५१ दिन

गत असारको २८ गतेबाट प्रदर्शनमा आएको चलचित्र ‘घर ज्वाँई’ले ५१ दिन मनाएको छ। शनिबार उप–सभामुख इन्दिरा रानाको प्रमुख आतिथ्यमा निर्माण टिमले यो चलचित्रको ५१ दिन मनाएको हो ।

निर्देशक अनिल बुढामगरको लेखन तथा निर्देशनमा तयार भएको यो चलचित्रको ५१ दिनको सेलिब्रेशन कार्यक्रममा टिमले केक काट्दै यो चलचित्रको टिमसँग जोडिएका प्राविधिक, कलाकारहरूलाई मायाको चिनो वितरण गरिएको थियो ।

निर्माता जनक घर्ती मगरको निर्माण रहेको यो चलचित्रलाई २ करोद बजेटमा निर्माण गरिएको थियो । बक्स अफिसमा भने यो चलचित्रले करिब ६ करोडको ग्रस कलेक्शन गरेको छ ।

अभिनेता दयाहाङ राई र नायिका मिरुना मगरको प्रमुख भूमिका रहेको यो चलचित्र मार्फत नेपालबाट शेयर, डिजिटल राइट्स र ओभरसिज राइट्सबाट चलचित्रका निर्माताले १ करोड बढी मुनाफा कमाएका छन् ।