‘ह्रस्व दीर्घ’को नयाँ प्रदर्शन मिति तय, कार्तिक ३० रिलिज पक्का

निर्देशक चन्द्र पन्तको निर्देशनमा तयार भएको चलचित्र ‘ह्रस्व दीर्घ’को नयाँ नयाँ प्रदर्शन मिती तय गरिएको छ। सोमबार निर्माणपक्षले आगामी कार्तिकको ३० गतेलाई प्रदर्शन मिती तय गरेको हो ।

यो चलचित्रको प्राविधिक काम नसकिएको भन्दै यसको निर्माणपक्षले असोजको कार्तिक ३० गतेलाई प्रदर्शन तय गरेको हो । यो चलचित्रको प्रदर्शन मिति यसअघि असोज ११ गतेलाई तोकिएको थियो । असोज ११ बाट प्रि–पोन्ड भएर असोजको ३ गते रिलिज हुने पक्का भएको चलचित्र अब भने कार्तिकको ३० गतेबाट दर्शकमाझ आउने भएको छ ।

तीन वटा भाषामा रिलिज हुने यो चलचित्रमा हरिहर अधिकारीको कथा, कविरलालको डीओपी, प्रतीक पौडेलको लेखन, मित्र डी गुरुङको सम्पादन, राजु तामाङको एक्सन, सुष्मा सुनाम र रामजी लामिछानेको कोरियोग्राफी छ ।

नीता फिल्मस्को ब्यानरमा निर्माण भएको यो चलचित्रमा नीता ढुंगाना, हरिहर अधिकारीको साथमा विपना थापा, संचिता लुइटेल, गरिमा शर्मा, किरण केसी, साउथका कलाकार ब्रमानन्दमको पनि मुख्य भूमिका छ ।