‘ह्रस्व दीर्घ’को नयाँ पोस्टरमा हरिहरको एक्सन लुक्स

निर्देशक चन्द्र पन्तको निर्देशनमा तयार भएको चलचित्र ‘ह्रस्व दीर्घ’को नयाँ पोस्टर सार्वजनिक भएको छ। आइतबार निर्माण टिमले सार्वजनिक गरेको यो चलचित्रको नयाँ पोष्टरमा नायक हरिहर अधिकारी एक्सन अवतारमा फिचर्ड छन् ।

नायक हरिहरको एक्सन अवतारको साथमा साउथका चर्चित कलाकारहरू प्रदीप राउत, सुनिल वर्मा, अली र नेपालका चर्चित कलाकार प्रशान्त ताम्रकारको एङ्ग्री अवतार प्रस्तुत गरिएको छ । सार्वजनिक पोस्टर हेर्दा यो चलचित्रमा हरिहरको एक्सन पाटो विशेष रहेको अनुमान गर्न साकिन्छ ।

नीता फिल्मस्को ब्यानरमा निर्माण भएको यो चलचित्रको अघिल्लो पोस्टरमा हरिहरको धार्मिक अवतार प्रस्तुत गरिएको थियो। त्यस्तै, अहिले सार्वजनिक पोस्टरमा उनको एक्सन अवतार प्रस्तुत गरिएको छ ।

आगामी असोजको ३ गतेबाट सार्वजनिक प्रदर्शनमा आउने तयारीमा रहेको यो चलचित्रमा नीता ढुंगाना, हरिहर अधिकारीको साथमा विपना थापा, संचिता लुइटेल, गरिमा शर्मा, किरण केसी, साउथका कलाकार ब्रमानन्दमको पनि मुख्य भूमिका छ ।