फिल्ड्ल्याण्डमा ‘धुर्मुस सुन्तली साँझ’

चौतारी इभेन्ट्सले युरोपको फिल्ड्ल्याण्डमा ‘धुर्मुस सुन्तली साँझ’ नामक कार्यक्रमको आयोजना गरेको छ । आगामी जुलाइमा हुने उक्त कार्यक्रममा चर्चित हाँस्यब्यङ्ग कलाकारद्वय धुर्मुस सुन्तली सहभागि हुने भएको हो ।

युरोपका विभिन्न शहरहरुमा कार्यक्रम गर्दै आएका चौतारी इभेन्ट्स आयोजक टिमका मुरारी भण्डारी तथा बिष्णु अर्याल भन्छन्,-‘उहाँहरुलाई युरोपमा आमन्त्रण गर्न पाँउदा हामी हर्षित संगै स्वागत गर्न आत्तुर छौँ ।’ साथै, उनले युरोपमा छरिएर रहेका नेपाली आमाबुबा ,दाजुभाई तथा दिदिबहिनीहरुलाई ‘धुर्मुस सुन्तली साँझ’ नामक कार्यक्रमलाई भब्य बनाउन तथा युरोप भ्रमणलाई सफल पार्नको निम्ति साथ दिनका लागि पनि अनुरोध गरेका छन् ।

धुर्मुस सुन्तलीको यो पहिलो यूरोप भ्रमण हो । २०७२ सालको महाभुकम्प पश्चात् बस्ती निर्माण संगै विभिन्न सामाजिक काममा होमिएर निरन्तर समाज अनि राष्ट्रका निम्ति योगदान पुर्याउदै आएको यो जोडी पछिल्लो समय मिडियामा खासै छाएको छैन् ।