‘पुजार सार्की’को ‘जाउँ माया’ अन्जनाको पीडाबोध

दिनेश राउतको निर्देशनमा तयार भएको चलचित्र ‘पुजार सार्की’को ‘जाउँ माया’ बोलको गीत सार्वजनिक गरिएको छ। चलचित्र रिलिज मिती नजिकिदै गर्दा निर्माणपक्षले मंगलबार यसको गीत सार्वजनिक गरेको हो।

सार्वजनिक यो गीतको भिडियोमा यो चलचित्रका मुख्य कलाकारहरू आर्यन सिग्देल र अन्जना बराइलीको प्रेम र पिडालाई शब्दको माध्यमबाट प्रस्तुत गर्न खोजिएको छ। बी पाण्डेको शब्द रचना, केतन क्षेत्रीको स्वर र सुभाष भुसालको संगीत रहेको छ। नायक प्रदीप खड्का र नायिका परीक्षा लिम्बुलाई पनि यो भिडियोमा देख्न सकिन्छ ।

आगामी जेठको १० गतेबाट प्रदर्शन हुन लागेको यो चलचित्रमा विकास सुवेदीको लेखन, सुभाष भुसालको लगानी, राजेश श्रेष्ठको छायांकन र भरत रेग्मीको सम्पादन रहेको छ।