शान्ति श्री परियारले दुर्घटनाबाट जोगाएको भन्दै क्याप्टेनलाई दिइन् धन्यबाद

लोकप्रिय गायिका शान्ति श्री परियारले ठूलो दुर्घटनाबाट जोगाएर नयाँ जीवन दिएको भन्दै यति एअरलान्सका क्याप्टेन लबिस चन्दलाई धन्यवाद दिँदै भावुक बनेकी छन् । उनले सोमबार साँझ सामाजिक सञ्जाल फेसबुकमा भावुक स्टाटस लेखेकी हुन् ।

सोमबार भैरहवाबाट काठमाडौंका लागि उडेको यति एअरको जहाज खराब मौसमका कारण जनकपुरमा अवतरण गरेको थियो । सोही घटनालाई लिएर गायिका परियालले चन्दलाई धन्यवाद दिएकी हुन् । उनले सामाजिक सञ्जालमा लेखेकी छन्, ‘धन्यवाद क्याप्टेन लबिस चन्द, प्लेनमा रहेका हामी सबैले ७५ प्रतिशत जिन्दगी छोडेका थियौँ, हजुरले आफ्नो प्रयास जारी राख्नु भो, र गन्तब्यभन्दा फरक ठाउँमा अवतरण भयो, तर सबैलाइ नयाँ जीवन त दिनु भयो नि ।’