‘सतीदेवी’को प्रदर्शन मिति घोषणा

दिलाशा क्रियसन तथा गोल्डेन स्टेट मुभी मेकर्स एलएलसी क्यालिफोर्नियाको सहकार्यमा निर्माण भएको चलचित्र ‘सतीदेवी’को प्रदर्शन मिति घोषणा गरिएको छ। मलिका महतको मुख्य भूमिका रहेको नारीप्रधान चलचित्रलाई आगामी साउन ४ गतेबाट देशब्यापी प्रदर्शन गर्न लागिएको हो।

लक्ष्मण सुवेदीको लेखक तथा निर्देशन रहेको यो चलचित्रले बाबु र छोरीहरु बीचको मिहीन स्नेह, सम्बन्धको आरोहअवरोह तथा समाजको सतही अनि कुसोचको प्रक्षेपणको कथा भन्नेछ। यो चलचित्रमा निर्देशक सुवेदीकै कथा, पटकथा, संवाद रहेको छ ।

बाबु श्रेष्ठले छायांकन गरेको यो चलचित्रमा दीपक शर्मा र सुवास भुसालको संगीत छ, भने रामजी लामिछानेको कोरियोग्राफी छ । यो चलचित्रलाई उपत्यकामा रिच इन्टरटेन्टमेन्ट र उपत्यका बाहिर एफडि कम्पनीले वितरण गर्नेछ। चलचित्रको डिजिटल अधिकार ओएसआरले खरिद गरेको छ।

लमजुङ, तनहुँ, कास्की र काठमाडौँका विभिन्न स्थानमा छायाङ्कन भएको यो चलचित्रले हालै सम्पन्न ‘नेपाल ग्रामीण चलचित्र महोत्सव’मा सर्वोत्कृष्ट पटकथा, सर्वोत्कृष्ट चलचित्र र अभिनेत्रीले जुरी अवार्ड जितेका थिए । सौराहा दक्षिण एशियाली फिल्म फेस्टिभलमा शिव रेग्मी सर्वोत्कृष्ट निर्देशक र सर्वोत्कृष्ट फिल्मको अवार्ड जित्न सफल भएको थियो।

दिलासा र साराको प्रस्तुती रहेको यो चलचित्रको निर्माता श्रीदेवी, दिलासा र सारा सुवेदी छन् । चलचित्रमा मलिका महत, रमेश बुढाथोकी, भोलाराज सापकोटा, कुलदीप अधिकारी, सन्दीपबाबु लोहनी, सिर्जना अधिकारी, मनीषा सापकोटा, सुजिता शिवाकोटी, तुलसी श्रेष्ठ, इश्वरी सिंह, सन्देश लिम्बु, पवन केसी, जगदीश अधिकारीलगायतको अभिनय रहेको छ ।