‘माइतीघर’का अभिनेता सीपी लोहनीको पशुपति आर्यघाटमा अन्त्येष्टि

चलचित्र ‘माइतीघर’का नायक सीपी लोहनी(चितम्बरप्रसाद लोहनी)को ८६ बर्षको उमेरमा निधन भएको छ। अल्जाइमर्सले पीडित सीपीको अन्नपूर्ण न्यूरो अस्पतालमा निधन भएको उनको पार्थिव शरीरको पशुपति आर्यघाटमा अन्त्येष्टि गरिएको छ । प्राप्त तस्वीरमा अस्पतालमै लोहनीकी धर्मपत्नी तथा चर्चित बलिउड अभिनेतृ माला सिन्हाले शोकमग्न हुँदै श्रद्धाञ्जली दिएकी छन् ।

निजी क्षेत्रले निर्माण गरेको पहिलो चलचित्र ‘माइतीघर’मा काम गरेपछि सीपीको चलचित्र क्षेत्रमा छुट्टै स्थान बनेको हो । उनले, चलचित्र ‘माइतीघर’को गीत समेत गाएका थिए । सीपी लोहनीले चलचित्र ‘माइतीघर’की नायिका माला सिन्हासँग बिहे गरेका थिए । सरकारी जागिरे समेत रहेका लोहनी एकैसाथ गायक तथा अभिनेता पनि हुन् ।