‘वर एण्ड बधु’को छायांकनमा व्यस्त कुसुम

मिलन चाम्सको निर्देशनमा तयार भइरहेको चलचित्रको अहिले धमाधम छायांकन भइरहेको छ। यो चलचित्रमा मोडलिङ हुँदै चलचित्र क्षेत्रमा प्रवेश गर्ने दौडमा रहेकी कुसुम शर्मा हाल धमाधम छायांकनमा व्यस्त छिन् । तर, यो चलचित्रको मुख्य नायिका भने यतिबेला हङकङमा छिन् ।

यो चलचित्रको केही दिनदेखि काठमाडौंमा धमाधम छायांकन चलिरहेको छ । चलचित्रको सेटमा मुख्य नायक विवेक कर्माचार्य, कलाकार किरण केसी र नव–कलाकार कुसुम शर्मा जोडिएका छन् । निर्माण टिमले सामाजिक संजालमा यो चलचित्रसँग जोडीएकी नव- नायिका कुसुम शर्माको केही तस्विरहरु शेयर गरेका छन्। उक्त तस्विरमा कुसुमलाई निकै खुशी मुद्रामा देख्न सकिन्छ भने उनी यो चलचित्रलाई लिएर निकै उत्साहित छिन् ।

सामाजिक कथालाई रमाइलो शैलिमा निर्माण गरिएको यो चलचित्रमा सुदिप बरालको छायांकन र हिमाल केसीको एक्सन छ । चलचित्रको प्रदर्शन मिति तय गरिएको छैन । छायांकन सकिए लगतै यो चलचित्रको रिलिज मिति तय गरिने निर्माणपक्षले बताएको छ ।

हाल दोश्रो चराणको छायांकन भइरहेको यो चलचित्रको पहिलो चरणको छायांकन रोमानियामा भएको थियो । चलचित्रलाई एलआरके इन्टरटेन्मेन्टको ब्यानरले निर्माण गरेको हो। कार्यकारी निर्माता डाक्टर अमित रिजाल रहेको यो चलचित्रमा नायिका आँचल शर्मा, विवेक कर्माचार्य, कलाकार किरण केसी र नव–कलाकार कुसुम शर्मा, श्रृष्टी खड्का, हिमेश पन्त लगायतका कलाकारको अभिनय छ ।