आउँदो वर्षको मंसिर १४ गते ‘इश्वर’ रिलिज पक्का

चलचित्र ‘इश्वर’को पोस्टर सँगइ रिलिज मिती सार्वजनिक भएको छ। शुक्रबार निर्माण टिमले चलचित्रको पोस्टर सार्वजनिक गर्दै आउँदो २०८१ सालको मंसिर १४ गतेलाई रिलिज मिति घोषणा गरेको हो ।

सार्वजनिक पोस्टरमा सुनील थापा, बुद्धि तामाङ, रविन्द्र झा, माओत्से गुरुङ, शिशिर वाङ्देल, पृथ्वीराज प्रसाई, अनु शाह, ध्रुव थापा फिचर्ड छन् । ध्रुवबाहेक अन्यको अनुहारमा त्रासको भाव देखाइएको छ ।

दिव्या कंगना फिल्मस्को ब्यानरमा निर्माण भएको यो चलचित्रको पटकथा एवम् संवाद भोजराज देवकोटाले तयार पारेका हुन् । हरिबहादुर थापा र शंकर गिरी निर्माता रहेको चलचित्रमा अर्जुन पोखरेल, राजेन्द्र बजगाई र बीपी वाग्लेको संगीत, कविराज गहतराज, देवेन्द्र पाण्डे र सुरेश पाण्डेको कोरियोग्राफी, रामेश्वर हुँमागाईको छायांकन र देव महर्जनको द्वन्द्व छ ।

राजु गिरीको निर्देशन रहेको यो चलचित्रको सम्पूर्ण छायाङ्कन, पोखरा, हेम्जाकोट गरेको छ । चलचित्रको वितरण उपत्यका भित्र रिच इन्टरटेनमेन्ट र उपत्यका बाहिर एफडी कम्पनीले गर्नेछ ।

लक्ष्मी कुँवर थापाको प्रस्तुतिमा निर्माण भएको यो चलचित्रमा ध्रुब थापा, अनु शाह, पृथ्वीराज प्रसाईं, कृष्टि गुरुङ, सुनिल थापा, सबिन बास्तोला, माओत्से गुरुङ, रबिन्द्र झा, बुद्धि तामाङ, शिशिर बाङ्देल,सबिन बास्तोला र गीता अधिकारी लगायतका कलाकारहरुको मुख्य अभिनय रहेको छ ।