इन्दिरा कृष्णन ‘रामायण’ मा ‘राम’ रणवीर कपूरकी आमा कौशल्या बन्ने

अभिनेत्री इन्दिरा कृष्णन नितेश तिवारीको फिल्म ‘रामायण’ मा रामकी आमा कौशल्याको भूमिका निभाएकी छिन् । ‘रामायण’ मा रणवीर कपूर भगवान रामको भूमिकामा देखिनेछन् भने इन्दिरा उनकी आमा बन्ने छन् । इन्दिरा कृष्णनले रणवीर कपूर स्टारर फिल्म ‘एनिमल’ मा उनकी सासुको भूमिका निभाएकी थिइन् ।

नितेश तिवारीको फिल्म ‘रामायण’लाई लिएर दुई ठूला अपडेट बाहिर आएका छन् । यस फिल्ममा रामकी आमा कौशल्याको भूमिका निर्वाह गर्ने अभिनेत्रीको नाम सार्वजनिक भएको छ । ‘रामायण’ २०२५ को दिवालीमा रिलिज हुन सक्ने र अप्रिलमा यसको आधिकारिक घोषणा हुन सक्ने बताइएको छ । चर्चित फिल्म तथा टिभी अभिनेत्री इन्दिरा कृष्णनले ‘रामायण’ मा कौशल्याको भूमिका निर्वाह गर्ने बताइएको छ । हाल इन्दिरा कृष्णन टिभी शो ‘ध्रुव तारा : समय सादी से परे’ मा राजमाता दुर्गावतीको भूमिका निर्वाह गरिरहेकी छिन् ।

रणवीर कपूर फिल्म रामायणमा भगवान रामको भूमिकामा देखिनेछन्, जसको लागि उनी आफ्नो शरीरको भाषा र परिवर्तनमा काम गरिरहेका छन्। उनी आर्चरी पनि सिकिरहेका छन् । सीताको भुमिकामा साई पल्लवी र रावणको भुमिकामा यश लंकापति रहनेछन् । सनी देओल हनुमानको भूमिकामा देखिनेछन् । शूर्पणखाको भूमिकाका लागि रकुल प्रित सिंहको नाम चर्चामा छ । यसैबीच कौशलाको भूमिकाका लागि इन्दिरा कृष्णनको नाम आएको छ ।

फिल्मको नजिकको स्रोतले ‘इटिम्स टिभी’ लाई भने कि निर्माताहरूले अनुभवी अभिनेत्री इन्दिरा कृष्णनलाई कौशलाको भूमिका खेल्न कास्ट गरेका छन्, जो भगवान रामको जैविक आमा थिइन्। इन्दिरा पछिल्लो पटक फिल्म ‘एनिमल’ मा देखिएकी थिइन्, जसमा रणवीर कपूर मुख्य भूमिकामा थिए । यसमा उनी रणवीरकी सासू र रश्मिका मन्डनाकी आमाको भूमिकामा देखिएकी थिइन् ।

स्रोतका अनुसार रणबीर कपुरले ‘रामायण’ मा कौशल्याको भूमिकाका लागि इन्दिरा कृष्णनको नाम सुझाएका थिए । तर, यस विषयमा इन्दिराको तर्फबाट अहिलेसम्म कुनै प्रतिक्रिया आएको छैन । तर इन्दिराले हालै एउटा फिल्मको रिडिङ सेसनबाट रणवीर कपूरसँगको सेल्फी सेयर गरेकी छिन् । यो ‘रामायण’ को पठन सत्रबाट भएको अनुमान गरिएको छ। यो तस्बिर देखेर फ्यानले पनि कमेन्ट सेक्शनमा सोध्न थाले कि उनी ‘रामायण’ मा कुनै महत्वपूर्ण भूमिका निर्वाह गरिरहेकी छिन् ।