बक्स अफिस: अजय देवगन र माधवनको ‘शैतान’ तिब्र गतिमा, ‘आर्टिकल ३७०’ मानेन् हार

अजय देवगन र आर माधवन अभिनित फिल्म ‘शैतान’ले हालसम्म हलमा चलेका नयाँ र पुराना फिल्ममध्ये सबैभन्दा बढी कमाई गरिरहेको छ । यो फिल्मले शुक्रबार पनि राम्रो कलेक्सन गरेको थियो । योसँगै यामी गौतमको फिल्म ‘आर्टिकल ३७०’ पनि थकित हुने संकेत देखिँदैन ।

अजय देवगन र आर माधवनको फिल्म ‘शैतान’ले हलमा रिलिज भएका पछिल्लो फिल्मलाई ओझेलमा पारेको देखिन्छ । विकास बहलको निर्देशनमा बनेको यो चलचित्रको कथालाई लिएर दर्शकले निराशा व्यक्त गरे पनि अहिले दर्शकको मन जित्न सफल भएको देखिन्छ । सम्भवतः यसको कारण अजय देवगन र आर माधवनको घातक संयोजन हुन सक्छ, जसलाई हेर्नको लागि मानिसको भीड धेरैजसो ‘शैतान’ तर्फ मोडिएको छ । यस फिल्मको अगाडि सिद्धार्थ मल्होत्राको ‘योधा’ पनि फिक्का देखिन्छ ।

यसअघि रिलिज भएको यामी गौतमको फिल्म ‘आर्टिकल ३७०’ ले चुपचाप विश्वभर १०० करोडको आँकडा पार गरिसकेको छ ।

बोक्सीविद्या जस्ता कुरामा आधारित फिल्म ‘शैतान’ को सफलताको सबैभन्दा ठूलो कारण फिल्मको रिलिज अगावै रिलिज भएको यो फिल्मको ट्रेलर र ती झलकहरुले जनताको मनमा घर गरेको छ । फिल्म रिलिज भएको १५ दिन भैसकेको छ र फिल्मले भारतीय बक्स अफिसमा १०० करोडको आँकडा पार गरिसकेको छ ।