‘रङ्गेली’ सिक्वेलमा आर्यन सिग्देलको धमाकेदार इन्ट्री

शुक्रबारबाट सार्वजनिक प्रदर्शनमा आएको चलचित्र ‘रङ्गेली’को सिक्वेल निर्माण हुने भएको छ। चलचित्रको दोश्रो सिक्वेलमा नायक आर्यन सिग्देल हुनेछन्। किनकी ‘रङ्गेली’ चलचित्रको अन्त्यमा उनको अप्रत्याशित एन्ट्री भएको छ । चरित्र चित्रण हेर्दा, चलचित्रमा आर्यन सिग्देल भिलेनको रुपमा प्रस्तुत हुनेछन् ।

चलचित्रको इन्डिङमा उनको ग्याङस्टर लुक्समा धमाकेदार इन्ट्री छ। दाजुको हत्याको बदला लिन उनी ग्याङस्टर लुक्समा प्रवेश गरेको बुझ्न सकिन्छ। सिक्वेलमा दयाहाङ राई र आर्यन सिग्देलको प्रतिस्पर्धा हुने देखिएको छ । चलचित्रको अन्तिममा नयाँ कलाकारको प्रवेश गराउँदै दर्शकलाई थप सरप्राइज समेत दिएका छन् । यसले, दर्शकका लागि यी तिनै चलचित्रको दोस्रो सिक्वेलको प्रतीक्षा रहने निश्चित छ ।

चलचित्रमा सुशान्त गौतम र हर्कुलस बस्नेतको संगीत, सुशन प्रजापतिको छायांकन छ । जितेन्द्र खतिवडा र अनुज जंग थापा कार्यकारी निर्माता रहेको चलचित्रको संसार चौलागाई र रमेश भट्टराई निर्माता हुन् । युवक कार्की र शिव शंकर चौलागाई सह–निर्माता रहेको चलचित्रमा विवेक खड्का एसोसियट निर्माताको रुपमा छन्।

दया र मिरुनाको अलावा चलचित्रमा अर्पण थापाको मुख्य भूमिका छ । चलचित्रमा प्रवीण खतिवडा, रमेश वुढाथोकीको पनि अभिनय छ । दुई घण्टा ५५ मिनेट लामो यो चलचित्रलाई निर्देशक अर्जुन सुवेदी निर्देशन गरेका हुन्।