नेतादेखि चलचित्रकर्मी सबैले हेरे ‘काँडेतार’

निर्देशक नवल खड्काको निर्देशनमा तयार भएको चलचित्र ‘काँडेतार’को प्रिमियर सम्पन्न भएको छ। मंगलबार बेलुकी विश्वज्योती हलमा आयोजना गरिएको उक्त प्रिमियर हेर्न नेतादेखी चलचित्रकर्मीको बाक्लो उपस्थिति थियो।

नेपाल र भारतको सिमानामा काँडेतार लगाउनुपर्ने विषयमा आधारित रहेर निर्माण गरिएको यो चलचित्रको प्रिमियरमा एकीकृत समाजवादीका नेता झलनाथ खनाल पुगेका थिए । त्यस्तै, कलाकार, पत्रकार लगायत अन्य व्यतिहरु पनि चलचित्र हेर्न पुगेका थिए।

त्यस्तै, नेता खनालले–‘यस्तो चलचित्र अहिले ३ करोड नेपाली जनतालाई चाहिएको छ । म नेपाली राजनीतिमा लागेदेखि नै नेपाल र भारतको सिमानामा काँडेतार लगाउनुपर्छ भन्ने मान्यता राख्छु । यसैले, मलाई प्रधानमन्त्री पदमा बस्न दिएनन् । यो चलचित्र सबै नेपालीले हेर्नुपर्छ।’

चलचित्र हेरेपछि अधिकांशले राष्ट्रियताको विषयलाई गम्भीर रुपमा उठान गरिएको भन्दै चलचित्रको प्रशंसा गरेका थिए । चलचित्रमा निर्देशक नवल खड्काको साथमा गौरव पहारी, सुरबिना कार्की, रेबिका गुरुङ, मुरलिधर लगायतका कलाकारको अभिनय छ ।