फस्टलुकसँगै ‘खजुरे ब्रो’को रिलिज मिती घोषणा

दिव्यदृश्य इन्टरटेन्टमेन्टको ब्यानरमा निर्माण भएको चलचित्र ‘खजुरे ब्रो’को पहिलो पोस्टर सँगै चलचित्र रिलिज मिती घोषणा गरिएको छ। निर्माण पक्षले शनिबार चलचित्रको पहिलो पोस्टर सार्वजनिकसँगै आगामी वैशाख २८ गतेलाई प्रदर्शन मिति घोषणा गरेको हो ।

सार्वजनिक पहिलो पोस्टरमा चलचित्रका मुख्य पात्रहरु प्रस्तुत छन् भने नायिका नीति शाहलाई एङ्री लुक्समा देख्न सकिन्छ । ‘खजुरे ब्रो’ नीति शाहको पहिलो डेव्यु चलचित्र हो।

नविन मानन्धर र सुरज सुनुवार निर्माता रहेको चलचित्रका लेखक तथा निर्देशन सुरज सुनुवार हुन् । चलचित्रका कार्यकारी निर्माता डायमन्ड उप्रेती हुन् । शिशिर बिशंखेको छायांकन रहेको चलचित्रमा अनमोल गुरुङको संगीत, सोनाली शिल्पकारको मेकअप रहेको छ ।

चलचित्रको सह–निर्माता अनिल मानन्धर र पिकेश मानन्धर हुन् । चलचित्रमा इन एसोसियसन विथ मान्द्रो प्रोडक्सन र मल्टी प्रपोज रहेको छ । लाइट कमेडीमा आधारित रहेर यो चलचित्रलाई निर्माण गरिएको छ।

चलचित्रमा रेयर राई, महेश त्रिपाठी, नीति शाह, नविन मानन्धर, प्रकाश भुजेल, विनिता थापा मगर, सुष्मा निरौला, पुस्कर कार्की, मनिष राउत, प्रेम सुब्बा र सुजाता राईको अभिनय छ ।

यो चलचित्रमा दार्जिलिङका कलाकार शान्तिला तामाङको पनि अभिनय रहेको छ भने धरानका मेयर हर्क साम्पाङले अतिथि कलाकारको भूमिकाको काम गरेका छन् ।