‘रङ्गेली’ ट्रेलर – डर र शक्तिको खेल

यही फागुन २५ गते अर्थात महाशिवरात्रि बाट देशव्यापी रिलिज हुने चलचित्र आर्वजनिक गरिएको छ। बुधवार काठमाडौंमा एक कार्यक्रमको आयोजना गर्दै निर्माण टिमले चलचित्रको ट्रेलर सार्वजनिक गरेको हो। सार्वजनिक ट्रेलरमा नेपालको तराई क्षेत्रमा घटेका विविध घटनाहरूलाई समावेश गरिएको छ । डर र शक्तिको खेला सँगै चलचित्रमा राजनीतिको झल्को समेत हेर्न सकिन्छ ।

निर्देशक तथा लेखक अर्जुन सुवेदीको निर्देशनमा तयार भएको यो चलचित्रले तराईको कथा चलचित्रको पर्दामा हेर्न सकिन्छ। सार्वजनिक ट्रेलमा चलचित्रका मुख्य पात्र नायक दयाहाङ राई र अर्पण थापाबिचको लडाई प्रस्तुत गरिएको छ ।

यो चलचित्रमा दया र मिरुना श्रीमान–श्रीमतीको भूमिकामा देखिदैछन् ।त्यस्तै, नेपाली चलचित्र क्षेत्रमा नायक दयाहाङ राई र नायिका मिरुना मगरको जोडी अहिलेको समयमा सर्वाधिक सफल मानिन्छ । यी दुईले अभिनय गरेका तीन चलचित्रले सुपरहिटको व्यापार गरेपछि चर्चा पनि बढेको हो ।

चलचित्रमा सुशान्त गौतम र हर्कुलस बस्नेतको संगीत, सुशन प्रजापतिको छायांकन छ । जितेन्द्र खतिवडा र अनुज जंग थापा कार्यकारी निर्माता रहेको चलचित्रको संसार चौलागाई र रमेश भट्टराई निर्माता हुन् । युवक कार्की र शिव शंकर चौलागाई सह–निर्माता रहेको चलचित्रमा विवेक खड्का एसोसियट निर्माताको रुपमा छन्।

दया र मिरुनाको अलावा चलचित्रमा अर्पण थापाको मुख्य भूमिका छ । चलचित्रमा प्रवीण खतिवडा, रमेश वुढाथोकीको पनि अभिनय छ ।