रेखा, पूजा र बेनिशाको कथाले भरिएको ‘उपहार’-ट्रेलर

रेखा फिल्मस् र कपनगढी फिल्मस्को प्रस्तुतिमा तयार भएको चलचित्र ‘उपहार’को ट्रेलर सार्वजनिक गरिएको छ। शुक्रवार सार्वजनिक गरिएको चलचित्रको उक्त ट्रेलरमा मुख्य तीन महिला पात्रको कथा प्रस्तुत गरिएकोछ। नायिकात्रय रेखा थापा, पूजा शर्मा, बेनिशा हमाल केन्द्रमा छन् । यी तीन पात्रको आ–आफ्नै कथा ट्रेलरमा देख्न सकिन्छ ।

यही फागुनको २५ गतेबाट सार्वजनिक प्रदर्शनमा आउने तयारी गरेको यो चलचित्रलाई निर्देशक ज्ञानेन्द्र देउजाको निर्देशन गरेका हुन्। मित्र डी गुरुङको सम्पादन रहेको चलचित्रमा अभिमन्यु निरवी र माधव शर्माको पटकथा तथा संवाद छ । चलचित्रमा सुलक्षण भारतीको कथा छ।

चलचित्रमा अर्जुन पोखरेल र बाबुल गिरीको संगीत, कविराज गहतराजको कोरियोग्राफी, रोशन श्रेष्ठको एक्सन, विष्णु कल्पितको छायांकन रहेको छ। सुलभ प्रतिक र समीक्षा देउजाको निर्माणमा तयार भएको चलचित्रका कार्यकारी निर्माता बलराम शाही ठकुरी हुन् ।

चलचित्रमा रेखा थापा, पूजा शर्मा, बेनिशा हमाल, मुकुन भुसाल, तेज गिरी, समर्पण जंग कार्की, शिशिर राना, सुष्मा कार्की, अञ्जु महर्जन लगायतका कलाकारको अभिनय छ ।