‘पिताम्बर’मा सुपुष्पा भट्टको प्रवेश

एक्सन जनरामा निर्माण गरिने चलचित्र ‘पिताम्बर’मा अर्की नायिका सुपुष्पा भट्टको प्रवेश भएको छ। नायिकाद्धय सुरक्षा पन्त र आँचल शर्मा केही दिन अगाडि फाइनल भएका थिए।

केही दिनबाट फ्लोरमा जाने यो चलचित्रको आज सरस्वती पूजाको दिन पूजा गर्दै चलचित्रको शुभसाइत गरिएको हो । चलचित्रको शुभसाइतसँगै सुपुष्पा प्रवेश गरेकी हुन्।

पुरुषोत्तम प्रधानको छायांकन रहने यो चलचित्रलाई निर्देशक कृषाले चलचित्रको छायांकन दुई सेड्यूलमा खिच्ने तयारी गरेकी छिन् ।

निर्देशक कृषा चौलागाईंले निर्देशन गर्न लागेको चलचित्रमा सौगात मल्ल, अनुप विक्रम शाही, आँचल शर्मा, सुरक्षा पन्त, सुपुष्पा भट्ट, प्रमोद अग्रहरी, दिव्य देव, कामेश्वर चौरासियाँले काम गर्ने पक्का भएको छ । चलचित्रको केन्द्रीय भूमिकामा नायक प्रदीप खड्काले काम गर्दैछन् ।