‘मेयर’को शुभसाइत, पर्दामा देखिदै खगेन्द्र र वर्षाको जोडी

सर्लाहीको बागमती नगरपालिकाका मेयर भरत थापाको जीवन संघर्षमा आधारीत रहेर निर्माण गरिने चलचित्र ‘मेयर’को शुभमुहर्त गरिएको छ। केही राम्रो काम गरेर छाड्छु भन्ने संकल्प बोकेको एक मान्छेले कठिन परिस्थिति र अवरोधका बीच कसरी समाजलाई राम्रो बाटोमा डोर्याउन सक्छ भन्ने कथालाई चलचित्रले प्रस्तुत गर्नेछ।

चलचित्रको निर्देशक तथा कार्यकारी निर्माता दीपेन्द्र के खनाल हुन्। यो चलचित्रमा शर्मिला पाण्डे र श्रृष्टिमाँ खनालको लगानी रहनेछ। चलचित्रमा कृष्ण बहादुर थापाको छायांकन, जयन जे वाइवा र कल्याण सिंहको संगीत र महेश दवाडीको पटकथा रहनेछ ।

चलचित्रमा अर्पण थापा, अनुप बराल, दिव्यदेव, प्रकाश घिमिरे, हरिहर शर्मा, रविन्द्र झा, रमेश वुढाथोकी, अर्विशा थापा, संजोग रसाइली, आशान्त शर्मा, प्रभाकर न्यौपाने, झकेन बीसी लगायतको पनि मुख्य भूमिका रहनेछ । चलचित्रको छायांकन काठमाडौं र सर्लाहीमा हुनेछ । फागुनको १२ गतेबाट चलचित्रको छायांकन सुरु गरिने निर्माणपक्षले बताएको छ ।