नेपाल र भारतको कथा बोकेको ‘काँडेतार’को ट्रेलर

नेपाल र भारतको सम्बन्धको कथालाई समेटिएको चलचित्र ‘काँडेतार’को ट्रेलर सार्वजनिक गरिएको छ । चलचित्रको सार्वजनिक टेलरमा नेपालको सीमा स्तम्भमाथि भारतले बारम्बार गर्ने खेलबाडको कथा प्रस्तुत गरिएको देख्न सकिन्छ । नेपाल र भारतको सिमानामा काँडेतार लगाउनुपर्छ भन्ने मुख्य थिममा यो फिल्म बनेको वुझ्न सकिन्छ । मक्किको राई, अञ्जु केसी, नाडिया खड्का र सानिया खड्का निर्माताको रुपमा छन् । शिवम् अधिकारी र नवल खड्काको चलचित्रमा पटकथा छ ।

चलचित्रमा बन्दे प्रसाद र तारा थापाको सम्पादन, सौरभ लामाको छायांकन, मणी थापा र दीपक शर्माको संगीत, श्री श्रेष्ठको एक्सन निर्देशन, कविराज गहतराजको कोरियोग्राफी छ ।

सामना फिल्मस् प्रा.लिको प्रस्तुतिमा तयार भएको यो चलचित्रमा नवल खड्काको कथा, निर्माण र निर्देशन छ । चलचित्रको कार्यकारी निर्माता सत्यकला राई हुन् । चलचित्रमा नवल खड्का, गौरव पहारी, सुरबिना कार्की, रेबिका गुरुङ, प्रशान्त यादव, मुरलिधर, प्रेम सुब्बा, संजय खतिवडा लगायतका कलाकारको अभिनय छ ।