‘एैंंचो पैंचो’ फिल्मको ‘काले केटाले’ गीतमा स्वस्तिमा र वर्षाको नृत्य

चलचित्र ‘एैंचो पैंचो’को पहिलो गीत सार्वजनिक गरिएको छ । ‘काले केटाले’ बोलको गीत आज काठमाडौंमा आयोजित पत्रकार सम्मेलनमा सार्वजनिक गरिएको हो । सार्वजनिक यो गीतमा आशिष अविरल र अस्मिता अधिकारीको स्वर, एकनारायण भण्डारीको शब्द, आशिष अविरलको संगीत छ ।

केपी फिल्मस्को ब्यानरमा निर्माण भएको यो चलचित्रको टिजर सार्वजनिक भैसकेको छ । जसलाई दर्शक तथा समीक्षकहरुले मन पराइसकेका छन् । यो चलचित्रमा स्वस्तिमा खड्का, मुकुन भुषाल, वर्षा राउत, सुशिल सिटौला, कोशिश क्षेत्री, राजाराम पौडेल, शारदा गिरी, बुद्दि तामाङ, विशाल पहारी, रमेश वुढाथोकी, रविन्द्र झा, सुमन मोटेको अभिनय छ ।

पुरुषोत्तम प्रधानको छायांकन रहेको चलचित्रमा विपिन मल्ल र भूपेन्द्र अधिकारीको सम्पादन, अभिमन्यू निरवीको कथा, कविराज गहतराजको कोरियोग्राफी छ ।

कृषा चौलागाँइको निर्देशनमा तयार भएको चलचित्रमा प्रितम लामिछाने र आध्या लामिछानेको लगानी छ । विशाल चौलागाँई सह–निर्माता रहेको चलचित्रले समाजमा हुने गरेको एैंचो पैंचोलाई राजनीतिक कोणबाट देखाएको छ ।