‘गणपति’को ‘टुकी झ्याप्प’मा मुकुनसँग वर्षाको डान्स

भदौको १४ गतेबाट रिलिज हुन लागेको चलचित्र ‘गणपति’को गीत ‘टुकी झ्याप्प’ सार्वजनिक गरिएको छ । यो गीतको भिडियोमा नायिका वर्षा सिवाकोटीले नृत्य गरेकी छिन् । चलचित्रमा उनलाई यही एउटा गीतमा मात्र हेर्न सकिन्छ । निशान भट्टराई, अनिष अधिकारी र रचना रिमालको स्वर रहेको यो गीतमा अनिष अधिकारीको शब्द तथा संगीत छ । गीतको अडियो केही फरक छ ।

रिजाल एन्ड रिजालको प्रस्तुतिमा तयार भएको यो चलचित्रमा मुकुन भुषाल, मेनुका प्रधान, प्रकाश घिमिरे, सूर्यमाला शर्मा, राजाराम पौडेल, अन्जु महर्जन, पुष्कर गुरुङ, जयनन्द लामा, सुशिल पोखरेल लगायतका कलाकारको अभिनय छ ।
चलचित्रमा हरि लामा ‘घले’को छायांकन, कविराज गहतराजको कोरियोग्राफी छ ।

रामप्रसाद रिजालको प्रस्तुतिमा तयार भएको चलचित्रको कार्यकारी निर्माता विज्ञान केसी र अरवृन्द हुन् । सविन अधिकारीको लेखन तथा निर्देशनमा तयार भएको यो चलचित्रमा सविन अधिकारी र अशिम काफ्लेको पटकथा तथा संवाद छ । श्रीराम बालाजी फिल्मस्ले यो चलचित्रलाई वितरण गर्दैछ । चलचित्रमा विपिन मल्लको सम्पादन छ ।