‘अदृश्य’को फस्टलुकमा प्रमोद, रिस्ता र सोहितको भिन्न गेटअप

साउन महिनामा पनि निर्माताहरुले चलचित्र रिलिजका लागि मिति तय गर्न थालेका छन् । यसैबिच, साउनको १९ गतेबाट नयाँ चलचित्र ‘अदृश्य’ रिलिज हुने भएको छ । यो चलचित्रको फस्टलुकमा मुख्य तीन कलाकारहरु प्रमोद अग्रहरि, सोहित मानन्धर र रिस्ता बस्नेतलाई देख्न सकिन्छ । उनीहरुलाई पोष्टरमा डार्क शैलीमा प्रस्तुत गरिएको छ ।

प्रमोदका गेटअप अझ भिन्न लाग्छ । यसैले, यसपटक चलचित्रको कथावस्तु र प्रस्तुति पनि फरक रहेको अनुमान गर्न सकिन्छ ।

पिताम्बर फिल्मस्को प्रस्तुतिमा तयार भएको चलचित्रमा प्रविन खतिवडा, छुल्ठिम गुरुङ, रवि गिरी, सिएम भारद्धाज सुवेदी, विकेश प्रजापति, सुरज बिष्ट, जसिता घिमिरे, सन्दीपबाबु लोहनी, रुपेश दाहाल लगायतका कलाकारको पनि अभिनय छ ।

आकाश उखेडाको कथा, पटकथा तथा संवादमा तयार भएको चलचित्रमा उत्तम हुमागाँई र मोहन कुमार झिल्लुको छायांकन, विशाल पौडेलको संगीत, शिशिर खातीको कोरियोग्राफी, बनिष शाहको सम्पादन छ । मिना बस्नेत निर्माता रहेको चलचित्रमा सीएम भारद्धाज सुवेदी सह–निर्माताको रुपमा छन् । प्रल्हाद काफ्लेले यो चलचित्रको निर्देशन गरेका हुन् ।