दीपक मनाङ्गेसँग मिलेर सविनले ‘बाघचाल’ बनाउँदै

नायक सविन श्रेष्ठले नयाँ चलचित्र निर्माणमो तयारी थालेका छन् । उनले, निर्माण गर्न लागेको चलचित्रको नाम ‘बाघचाल’ राखिएको छ । यो चलचित्रको केही हप्तापछि नै छायांकन सुरु गर्ने तयारी सविनको छ ।

चलचित्रमा उतरगया म्युजिक एण्ड फिल्मसँग सविन श्रेष्ठ फिल्मस्ले सहकार्य गर्न लागेको हो । चलचित्रमा दीपक मनाङ्गेको लगानी रहनेछ ।

सम्राट बस्नेतको निर्देशनमा तयार हुने चलचित्रलाई शिवम अधिकारीले लेखिरहेका छन् । यो चलचित्रलाई एक्सन र लभ स्टोरी कथामा निर्माण गर्ने तयारी गरिएको छ । सविनका अनुसार, चलचित्रमा ३ नायक र २ नायिका रहनेछन् । एक जना नायिका मुम्बईबाट ल्याउने तयारी निर्माणपक्षको छ ।

चलचित्रलाई नेपाल र अष्ट्रेलियामा छायांकन गरिनेछ । यसअघि पनि नरेश भट्टराइको मुख्य भूमिकामा चलचित्र ‘बाघचाल’को निर्माण भएको थियो । तर, यो चलचित्रको रिलिज नै हलमा राम्रोसँग भएन । यो चलचित्र निर्माण भएको एक दशक भैसकेकाले सोही नाममा सविनले सम्राटलाई निर्देशनको जिम्मा दिदै नयाँ चलचित्र बनाउन लागेका हुन् ।