बुलाकी ट्रेलरः सुरक्षा माइत गएपछि जारी तिर्न तयार नरेन

बैशाखको १ गतेबाट रिलिज हुन लागेको चलचित्र ‘बुलाकी’को आज ट्रेलर सार्वजनिक भएको छ । केही दिन अगाडि सार्वजनिक भएको चलचित्र ‘जारी’को ट्रेलरसँग धेरै हदसम्म मिल्दोजुल्दो यो ट्रेलरमा नायिका सुरक्षा पन्त र नायक नरेन खड्काको बैबाहिक सम्बन्धमा खटपट आएपछि उत्पन्न हुने समस्यालाई देखाइएको छ ।

चलचित्रमा सुरक्षा पन्त, नरेन खड्का, विराज बिष्ट, सरस्वती खत्री, प्रकाश कँडेल, लक्ष्मी गिरी, सुशिल पोखरेल, रमेश वुढाथोकी, कुलदिप अधिकारी लगायतको अभिनय छ ।

श्रीकृष्ण बल मल्ल, गोविन्द मधुर आचार्य र बादल थापाको संगीत रहेको चलचित्रमा लक्ष्मण सुनारको निर्देशन छ । चलचित्रमा टोपेन्द्र बिष्टको लगानी, मोती बिष्टको प्रस्तुति छ । यो चलचित्रमा अर्जुन जीसी र लक्ष्मण सुनारको सम्पादन, कविराज गहतराज र लक्ष्मण सुनारको कोरियोग्राफी, शिव ढकालको छायांकन, राज बहादुर सानेको कथा, संवाद र पटकथा छ ।

चलचित्रको ट्रेलर शक्तिशाली छ । तर, यो चलचित्र पनि अर्को चलचित्र ‘जारी’सँगै रिलिज हुने भएकाले बक्स अफिसमा समस्या पर्न सक्छ ।