‘प्रेमा’को ट्रेलरमा अरुण, शुभेक्क्षा र श्रृष्टीको प्रेम र विछोडको कथा

चैत्र महिनाको १७ गते अर्थात ३१ मार्चबाट रिलिज हुन लागेको लभ स्टोरी चलचित्र ‘प्रेमा’को ट्रेलर सार्वजनिक गरिएको छ । गोविन्द सिंह भण्डारीको लेखन तथा निर्देशन रहेको चलचित्रको ट्रेलरमा मुख्य तीन कलाकारहरु शुभेक्क्षा खड्का, अरुण क्षेत्री र सृष्टि श्रेष्ठको प्रेममा आउने उतारचढावलाई देखाइएको छ । यो चलचित्रलाई बाघठाटा फिल्म फ्याक्ट्रीको व्यानरमा निर्माण गरिएको हो ।

काठमाडौं, धनगढी र कर्णालीमा सुटिङ गरिएको चलचित्रमा अरुण, शुभेक्क्षा र सृष्टिका अलवा विमला केसी, हिउँवाला गौतम, पुरण जोशी, सबिन बास्तोला, रोशनी स्याङबो, प्रकाश बस्नेत, महान थापा, सुरेन्द्र बसेल, भिभियाना थपलिया(काजु)को पनि अभिनय छ ।

चलचित्रलाई विवेक घिमिरे र गोविन्द सिंह भण्डारीले निर्माण गरेका हुन् । सामर्थ विक्रम थापा कार्यकारी निर्माता रहेको चलचित्रमा सुशान्त गौतमको संगीत, सुशान्त, सबिन एकतारे र अनिल शर्माको गीत, चन्द्र भट्टराईको प्रमुख सहायक निर्देशन, अमित श्रेष्ठको व्याकग्राउण्ड स्कोर छ ।