९५ लाखमा बिक्यो ‘पशुपति प्रसाद २ः भष्मे डन’को डिजिटल अधिकार

नायक विपिन कार्कीलाई शिर्ष भूमिकामा राखेर निर्देशक दीपेन्द्र के खनालले निर्देशन गर्न लागेको चलचित्र ‘पशुपति प्रसाद २ः भष्मे डन’को डिजिटल अधिकार बिक्री भएको छ । यसको डिजिटल अधिकारी ओएसआर डिजिटलले लिएको छ ।

यसवापत, ओएसआरले चलचित्रको निर्माण कम्पनीलाई ९५ लाख रुपैयाँ दिएको छ । आज निर्माणपक्ष र ओएसआरका प्रमुख ओम अग्रवालबिच कागजी संझौता भएको छ ।

चलचित्रका निर्देशक दीपेन्द्र के खनालले यो संझौता नेपाली चलचित्रको इतिहासमा नै नयाँ मानक बनेको बताएका छन् ।

चलचित्रलाई आउँदो बर्षको दशैंमा रिलिज गर्ने तयारी निर्माणपक्षको छ । चलचित्रमा विपिनको साथमा स्वस्तिमा खड्का र सौगात मल्लको मुख्य भूमिका रहनेछ । खगेन्द्र लामिछानेको निर्देशनमा तयार हुन लागेको चलचित्रलाई ‘पशुपति प्रसाद’को सिक्वेलको रुपमा निर्माण गर्न लागिएको हो ।

यसपटक निर्देशक खनालले भष्मे डनको कथालाई चलचित्रमा प्रस्तुत गर्नेछन् ।