‘छक्का पन्जा ४’को सुखद ओपनिङ, शनिबार बम्पर हुने संकेत

शुक्रबारदेखि रिलिज भएको चलचित्र ‘छक्का पन्जा ४’ले बक्स अफिसमा सुखद कमाई गरेको छ । चलचित्रले शुक्रबार मध्यान्नबाट बक्स अफिसमा सुखद संकेत देखाएको थियो । बेलुकीसम्म चलचित्रको व्यापार उकालो लाग्यो ।

चलचित्रले आज बिहानैदेखि बक्स अफिसमा बम्पर व्यापार गरिरहेको छ । आज दिनभर यो चलचित्रले बक्स अफिसमा बम्पर कमाई गर्ने पक्का देखिएको छ ।

चलचित्रले बम्पर व्यापार गरिरहँदा यसका कलाकारहरु हल दौडाहामा छन् । हेमराज वीसीको निर्देशनमा तयार भएको चलचित्रमा दीपकराज गिरी, दीपाश्री निरौला, केदार घिमिरे, बेनिशा हमाल, मलिना जोशी, राज आचार्य लगायतका कलाकारको अभिनय छ ।

नेपाली चलचित्रको बक्स अफिसमा सर्वाधिक कमाउने दोश्रो चलचित्रको रुपमा रहेको ‘छक्का पन्जा ३’ हो । ‘छक्का पन्जा ४’ले यसको रेकर्ड तोड्छ कि तोड्दैन हेर्न बाँकी छ ।