‘बहाव’को ट्रेलरमा सुरक्षाको मनोविज्ञान

चैत्रको २४ गतेबाट रिलिज हुन लागेको चलचित्र ‘बहाव’को ट्रेलर सार्वजनिक गरिएको छ । आज काठमाडौंको वान सिनेमाज्मा आयोजना भएको कार्यक्रममा घर–घरको कथा भन्ने यो चलचित्रको ट्रेलर सार्वजनिक गरिएको हो ।

यो चलचित्रमा सुरक्षा पन्त, कमलमणी नेपाल, अफ्रान अली, सूर्य शर्मा भट्ट, इश्वरी सिंह, हिरालाल कँडेल, पवन श्रेष्ठ लगायतका कलाकारको अभिनय छ ।

चलचित्रले बाबु र छोरीबिचको बिद्रोहको कथालाई उठान गरेको छ । चलचित्रलाई प्रमोद कँडेलले निर्देशन गरेका हुन् । श्रीधर पौडेलको लगानीमा तयार भएको चलचित्रमा कार्तिके स्मीता कर्नाटकको छायांकन, सुजन बडालको सम्पादन, बसन्त सापकोटा र मानव सुवेदीको संगीत, प्रमोद कँडेलको कथा तथा लेखन छ ।

चलचित्रको ट्रेलर रिलिज कार्यक्रममा बोल्दै नायिका सुरक्षा पन्तले यो चलचित्र आफ्ना लागि एक फरक र विशेष चलचित्र भएको बताइन् । उनले, यस्ता खालका कथा र नयाँ टिमसँग काम गर्न आफू सधै नै उत्साहित हुने तर्क गरिन् ।