‘तलास २’ बन्ने

फाल्गुनन्द लिङदेन फिल्म्स् र यल्लीवूड फिल्म्स्को संयुक्त लगानीमा चलचित्र ‘तलास २’ को निर्माण हुने भएको छ । हत्या अपहरण मानव बेचबिखनको चपेटामा नेपाली महिलाहरुले भोग्नु परेको पीडालाई चलचित्रको मुख्य कथा बनाइने निर्माणपक्षले बताएको छ।

दिनेश लिङदेनको निर्देशन रहने चलचित्रमा रुद्र पाहिम, पुष्पाञ्जली तिलिङ, शैलेन्द्र नाल्बो, उदय सुब्बा, पुर्ण सेलिङ, राजु घिमिरे, अजय खडका, रिया कन्दङवा, पुन्य ओझा, दिलिप योङहाङ, सागर केरुङ र राजकुमार शाहको अभिनय रहनेछ ।

चलचित्रमा विकास चौधरीको संगित, मेचु धिमाल, सुवास राई, विकास चौधरीको स्वर, दिनेश माङ्मुको नृत्य, कुमार श्रेष्ठको द्वन्द्व र सुमन योञ्जनको छायाङ्कन छ ।

सुदिता लिङ्देनको प्रस्तुति, लिलाराज काम्बाङ सह–निर्माता र शैलेन्द्र नाल्बो निर्माता रहने चलचित्रको पूर्वका विभिन्न स्थानमा छायांकन हुनेछ ।