झरनादेखि पुजासम्मलाई ‘नवदुर्गा सम्मान’(भिडियोसहित)

काठमाडौंको चलचित्र विकास बोर्डमा आयोजना भएको ‘नवदुर्गा सम्मान’मा ९ नायिकालाई सम्मानित गरिएको छ । रेजिना फिल्मस् र शहिद फिल्मस्को आयोजनामा यो कार्यक्रम हरेक बर्ष हुँदै आएको छ । कार्यक्रमको तेश्रो संस्करणमा नायिकाहरुलाई उपराष्ट्रपति नन्दबहादुर पुनले सम्मान पत्र प्रदान गर्दै सम्मानित गरेका थिए ।

नायिका रेजिना उप्रेति र कलाकार विमला केसीले आयोजना गरेको कार्यक्रममा चलचित्र ‘दक्षिणा’की नायिका भारती घिमिरेलाई सम्मान गरियो । यस्तै, नायिकाहरु झरना थापा, स्वेता खड्का, ऋचा शर्मा, मेनुका प्रधान, प्रियंका कार्की, पूजा शर्मा, शिल्पा पोखरेल र सुहाना थापालाई सम्मानित गरियो ।

कार्यक्रममा चलचित्र विकास बोर्डका अध्यक्ष भुवन केसी पनि उपस्थित थिए । कार्यक्रममा बोल्दै उपराष्ट्रपति पुनले सम्मानित सबै नायिकाहरुलाई वधाई तथा शुभकामना दिएका थिए ।

यो कार्यक्रम हरेक बर्ष घटस्थापनाको दिनमा आयोजना हुँदै आएको छ ।